Høgaberg skal landa svartkjaft í Fuglafirði

Uppsjóvarskipið Høgaberg kom fyrrapartin á Fuglafjørð, har teir skulu landa.

Høgaberg hevur verið á svartkjaftaveiðu í altjóða sjógvi vestanfyri Írland, men fiskiskapurin hevur verið smáligur. 

Høgaberg hevur 1800 tons av svartkjafti, sum teir skulu landa til Havsbrún.

Hjá Havsbrún verður svartkjafturin framleiddur til mjøl og lýsi, og síðan til fóður.