Føroyska Sjómansmissiónin
Fimm eru komnir til landið, og teir síðstu koma í desember. Teir koma í flotan fyri eldri trolarar og eru “spjaddir” út um landið.
Íslendingar hava bygt sjey nýggjar trolarar, sum eru eins í stødd, motorum og útgerð.
Skrokkarnir og stálarbeiðið av fýra teirra er gjørt í Vjetnam og eru so sigldir við farmaskipi til Norra, har teir eru gjørdir lidnir. Tríggir eru bygdir í Norra.
Tveir teirra, Áskell og Vørður, sum reiðaríið Gjøgur hf, eigur, liggja á Hafnafjørðinum, har síðsta útgerðin verður sett í teir.
- Trolararnir eru 29 metrar langir og 12 metrar breiðir. Teir taka 240 kør í lastina, sum eru umleið 80 tons av feskum fiski. Teir hava tveir Yanmar motorar á 500 hestar hvør, tvær skrúvur og tvey róður. Ljósmotorurin er ein Scania, og nærum øll útgerðin umborð, so sum spøl og verksmiðjan, er drivið av ravmagni, sigur Ragnar Pálsson, stýrimaður, á Vørður.
- Bæði longdin á trolarunum og støddin á motorunum eru avmarkað, um vit skulu kunnu fiska inn at trimum fjórðingum úr landi. Tí eru skipini stutt í mun til breiddina, sigur hann.
- Hesir trolararnir hava alla nútímans útgerð. Eftir at fiskurin er blóðgaður, liggur hann í niðurkøldum rennandi “RSV-vatni” og bløðir. Eftir tað verður hann kruvdur, vigaður, avmyndaður, so vit síggja støddina og so flokkaður í kør eftir stødd. Í lastini fer fiskurin eisini at liggja í niðurkøldum rsv-vatni, so góðskan verður so góð sum gjørligt, sigur Ragnar.
- 12 mans vera við, og vit fara at arbeiða í 16 tímar og hava 8 frí. Vit fara at fiska mest tosk og kongafisk og avreiða mest í Grindavík. Men tá vit til dømis royna á Vesturlandinum ella á Norðurlandinum, fara vit at avreiða har,- sigur Ragnar Pálsson.
Sjómanstrúboðarin vitjaði umborð og var vístur runt av Ragnari.
Skipini fingu Nýggja Testamenti og bøn varð biðin um Guds signing og varðveitslu yvir skip og manningarnar.
-
-
-
-
-
-
-
-
-
-
-
-
-
-
-
(Mynd: Føroyska Sjómansmissiónin)
-
-
-
Vinarliga broyt tínar kennifíla - og privatlívsstillingar fyri at síggja hetta innihald