Íslendskt uppsjóvarskip landar svartkjaft í Fuglafirði

Íslendska uppsjóvarskipið Huginn kom á Fuglafjørð fyrr í vikuni, har teir skulu landa.

Teir hava verið á svartkjaftaveiðu sunnanfyri Føroyar, og hava 1800 tons, sum teir skulu landa til Havsbrún í Fuglafirði.

Teir hava havt góðan fiskiskap, men máttu bíða eftir landingartørni tá ið teir komu inn, og sluppu ikki framat fyrr enn í kvøld.

Tá ið liðugt er at landa, skulu teir nýggjan túr eftir svartkjafti.