Klakkur hevur sett kós móti Flemish Kap

Nýggjasta skipið í flotanum skuldi fyrst royna onkra útgerð áðrenn kósin í kvøld varð sett móti Flemish Kap

Savnsmyn (Mynd: Jens Kr. Vang)

Savnsmyn (Mynd: Jens Kr. Vang)

2020-01-14 21:21 Author image
Kiran Jóanesarson
placeholder

Klakkur, sum er nýggjasta skipið í føroyska flotanum, loysti í kvøld, og kósin er sett móti Flemish Kap, har hini frystilínuskipini eisini eru farin at fiska.

Tað var í síðstu viku, at Klakkur fyri fyrstu ferð kom á Klaksvík, eftir at skipið varð keypt úr Norra.

Klakkur hevur ligið á Klaksvík, og nú er alt komið uppá pláss, og klárt at sigla.

Skipari hendan túrin er Líggjas Johannesen, sum verður avloystur av beiggjanum Bethuel, sum eisini er við hendan túrin, so teir kunnu læra skipið at kenna.

Tað velst um veðrið, men siglingartíðin tekur eini seks til sjey døgn.

Føroyska kvotan á Flemish Kap í ár er 1900 tons, og tilsamans eru tað sjey skip, sum fiska hana. Tey eru Klakkur, Eivind, Jákup B, Jógvan I, Stapin, Kambur og Ågot. 

Síggj myndir av skipinum her

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder