Innanlands

Klakkur skift navn til Jákup B

Søluprísurin er 30 milliónir krónur

(Mynd: Føroyska Sjómansmissiónin)

(Mynd: Føroyska Sjómansmissiónin)

2019-12-19 14:43 Author image
Sverri Egholm

Sp/f undir Klakki, sum fyrst í nýggja árinum yvirtekur norskt línuskip frá 2010, hevur nú selt gamla Klakk, sum er 30 ára gamal.

Keypari er felagið handan línuskipið Jákup B, sum í gjár varð selt til eitt felag hjá Kósini, og sum framyvir fær navnið Carlton.

Sjóvinnustýrið boðar í dag frá skrásetingini, og at Klakkur nú fær navnið Jákup B. Søluprísurin er 30 milliónir krónur.

Nýggi Jákup B er knappar 40 metrar langur og 9 metrar breiður. Nýggi Klakkur, sum verður yvirtikin 2. januar er 51 metrar til longdar og 12,4 metrar breiður.

Sí eisini: Yvirlit: Flotin yngist ikki stórvegis

Les eisini: Nýtt línuskip fyri Klakk

 

placeholder
placeholder