Innanlands

Kvotan á Flemish við at verða uppi

Tey seks føroysku frystlínuskipini, ið eru á Flemish Cap, hava fingið boð um at stegða fiskiskapinum klokkan tíggju í kvøld. Klakkur, sum er á sínum fyrsta túri, hevur seinastu tíðina fingið 430 tons. Samanlagt kunnu føroysku skipini fiska 1.907 tons av toski í økinum

Klakkur er sín fyrsta túr undir føroyskum flaggi - hann hevur eydnast væl (Mynd: Jens Kr. Vang)

Klakkur er sín fyrsta túr undir føroyskum flaggi - hann hevur eydnast væl (Mynd: Jens Kr. Vang)

2020-02-04 14:10 Author image
Agnar Prestá
placeholder

Jákup B, Eivind, Kambur, Stapin, Klakkur og Jógvan I hava seinastu smáu tvær vikurnar roynt eftir toski á Flemish Cap. Nú eru ikki nógvir tímar eftir at fiska í.

Norðlýsið skrivaði í gjár um góða fiskispakin hjá nýggja Klakki, ið hevur fingið mest burturúr, sambært nýggjastu tølunum:

Klakkur 430,3 tons.
Jákup B 279,5 tons
Jógvan I 277,8 tons (liðugur at fiska)
Stapin 280 tons (liðugur at fiska)
Kambur 263,7 tons
Eivind: 265,4 tons

Føroyska kvotan av toski í økinum er væl minni í ár í mun til í fjør: 1.907 í mun til 3.911 tons. Beint yvir 100 tons eru eftir at fiska.  Hetta skrivar Kringvarpið.

 

placeholder
placeholder