Innanlands

Líka lítið av svartkalva í ár sum í fjør

Jákup Sverri hevur verið á svartkalvatúrinum fyri 2021, og har var miðalveiðan hvønn troltíma 66 kg/t

(Mynd: Hav.fo)

(Mynd: Hav.fo)

2021-06-26 10:37 Author image
Alda Nielsdóttir
placeholder

Havrannsóknarskipið Jákup Sverri hevur verið á svartkalvatúrinum fyri 2021, og miðalveiðan hvønn troltíma í ár var 66 kg/t. Tað er nærum tað sama sum í fjør. 

Miðalveiðan fyri árini 1995-2020 var 115 kg/t, so enn er lítið at fáa, skrivar Havstovan.

Høvuðsføðin hjá svartkalvanum var svartkjaftur, og meginparturin av aldursgreinaðu fiskunum var 6-9 ára gamal.

Hesar kanningar hava verið gjørdar á hvørjum ári síðani 1995 fyri at kanna útbreiðslu og lívfrøði hjá svartkalva.

Øll túrfrágreiðingin kann lesast her.

placeholder
placeholder