Myndir: Skrokkurin hjá Lerki komin til Skagen

Skorkkurin til frystitrolaran Lerk, sum Framherji letur byggja í Skagen, kom í gjár til Skagen, har skipið skal gerast liðugt.

Skrokkurin er bygdur í Póllandi, og nú skal skipið gerast liðugt í Skagen, og væntað verður at skipið kemur til Føroya við ársenda í ár.

Nýggi trolarin hjá Framherja kostar 180 milliónur krónur, og er systurskip til Sjúrð Tollaksson, sum Varðin í løtuni letur byggja á somu skipasmiðju.

Sleipingin hevur eydnast væl, og nú liggur Lerkur framman fyri nýggja Fagraberg í Skagen.

Umframt Lerk og Fagraberg, so er Høgaberg, sum Framherji eisini eigur, í skagen, har skipið er til eftirlit hjá Karstensens skipamsiðjuni.