Næraberg kom á Kollafjørð í gjár við svartkjafti

Verksmiðjuskipið Næraberg kom á Kollafjørð í gjár, har teir skulu landa.

Teir hava verið á svartkjaftaveiðu í altjóða, ES og í føroyskum sjógvi, og fiskiskapurin hevur verið hampiligur.

Teir endaðu túrin í føroyskum sjógvi, og høvdu 2700 tons av frystum svartkjafti við til lands, sum teir landa til frystigoymslurnar í Kollafirði.

Tá ið liðugt er at landa, verður farið aftur á svartkjaftaveiðu.