Næraberg landar fulla last í Kollafirði

Framleiðsluskipið Næraberg kom í gjár á Kollafjørð, har teir skulu landa.

Næraberg hevur verið á svartkjaftaveiðu í føroyskum sjógvi, og hava teir 3200 tons av frystum svartkjafti, sum teir landa í Kollafirði.

Fiskiskapurin hendan túrin hevur verið hampiligur, og tá ið liðugt er at landa, verður farið aftur á svartkjaftaveiðu.