Nógv virksemi í Kollafirði

Føroyski rækjutrolarin Arctic Viking kom í gjárkvøldið á Kollafjørð, har teir skulu landa.

Teir hava fulla last, harmeginparturin - 270 tons, er rækjur, og 210 tons er svartkalvi. 

Fiskiskapurin hevur verið góður hendan túrin.

Arctic Viking hevur fiskað rækjurnar á Flemmish Kap, meðan svartkalvin er fiskaður á Grand Bank.

Arctic Viking landaði 212 tons av rækjum í Íslandi, sum teir høvdu fiskað í Eystur Grønalndi, áårenn teir fóru yvir til Flemmish Kap, at fiska.

Hósdagin landaði stóri grønlendski trolarin Polar Princess 800 tons av tosi í Kollafirði.

Tá ið liðugt var at landa, komu teir á Havnina eftir útgerð áðrenn teir fóru í Barentshavið at fiska.

Polar Princess (Savnmynd: Kiran Jóanesarson)