Nógvur gulllaksur landaður í Klaksvík

Polarhav og Stjørnan hava landað umleið 265 tons av gulllaksi í Klaksvík umframt at Skoraberg og Fuglberg landaðu 245 tons av gulllaksi í gjár.

Polarhav og Stjørnan hava verið á gulllaksaveiðu norðanfyri í føroyskum sjógvi, meðan Skoraberg og Fuglberg hava roynt sunnanfyri. 

Veiðan bleiv landað í Klaksvík, og síðani koyrd til Tavuna í Leirvík. 

Umframt hesi skipini, so fiska Eysturbúgvin og Vesturbúgvin eisini gulllaks, tó partrola hesi skipini ikki.