Norðborg avreiddi fyri mest í 2022

Nótaskipið Norðborg hjá reiðarínum Palli hjá Mariannu var tað skipið, sum avreiddi nógv mest í fjør. Avreiðingarvirðið hjá Norðborg var góðar 263 milliónir krónur.

Tað er eitt partafelag, ið eigur Pf. Hvalnes, sum eigur Norðborg. Eigari í Hvalnesi er eitt annað partafelag Pf. Frá 5. juni 1992. Eigari av hesum felag er Pf. Palli hjá Mariannu. Eigarar í Pf. Palli hjá Mariannu eru fýra holdingfeløg Spf. PhM Holding 1, 2, 3 og 4. Og eigarar hjá hesum feløgum eru ávikavist Kristian Martin Rasmussen, Jón Rasmussen, Eyðun Rasmussen og Bogi Rasmussen.

Áhugavert yvirlit

Upplýsingarnir eru tiknir úr áhugaverda ognaryvirliginum yvir fiskivinnuna í Føroyum, sum Vørn júst hevur almannakunngjørd.

Vørn hevur latið hetta yvirlitið gjørt saman við Fiskivinnu- og samferðslumálaráðnum. Í yvirliginum síggjast hvørji samtøk, feløg ella einstaklingar eiga fiskiførini í føroyska fiskiflotanum pr. oktober 2023. Harumframt fevnir yvirlitið um, hvussu avreiðingarvirðið í 2022 var býtt millum samtøk, feløg ella einstaklingar.

Yvirlitið fer síðani at verða dagført á hvørjum ári, skrivar Vørn.

Endamálið er at tryggja gjøgnumskygni um, hvør eigur fiskiførini í føroyska fiskiflotanum, og hvussu avreiðingarvirðið er býtt.

Vit hava kagað í yvirlitið, og funnið fram til tey skipini, sum avreiddu fyri yvir 100 milliónir krónur í 2022:

Norðborg 263,4
Fagraberg 190,2
Finnur Fríði 188,8
Gøtunes 187,3
Akraberg 180,0
Chr. í Grótinum 172,2
Enniberg 171,5
Tróndur í Gøtu 169,9
Høgaberg 154,8
Arctic Voyager 134,5
Gadus 128,9
Birita 116,6
Ango 107,9
Sjúrðaberg 105,9
Norðingur 100,3

Í yvirlitinum eru eisini teknað upp, hvussu eigaraviðurskiftini hjá teimum ymisku skipunum í teimum ymisku samtøkunum síggja út.

Í summum førum er tað einfalt, sum tildømis, ognarviðurskiftini í útróðrarbátinum Sævarenni:

Í øðrum førum kann tað vera ein avbjóðing at finna út av ognarviðurskiftunum. Til dømis í samtakinum hjá Hanus Hansen í Klaksvík:

Her sæst útgávan Ognarlutir í fiskivinnuni