Norðingur við 1.950 tonsum av svartkjafti

Uppsjóvarskipið Norðingur skal landa 1.950 tons av svartkjafti til Havsbrún.

Norðingur hevur verið á svartkjaftaveiðu í altjóða sjógvi vestanfyri Írland, og fiskiskapurin hevur verið góður.

Norðingur skal landa til Havsbrún í kvøld, og fer aftur til fiskiskap tá ið liðugt er at landa.

Hjá Havsbrún verður svartkjafturin framleiddur til mjøl og lýsi, og síðani til fóður.