Norskt uppsjóvarskip landar í Fuglafirði

Norska uppsjóvarskipið Norderveg kom í dag á Fuglafjørð við 650 tons av makreli, sum er fiskaður í norskum sjógvi.

Talan er um góðan makrel, og veiðan verður landað til Pelagos í Fuglafirði.

Tá ið liðugt er at landa, fer Norderveg aftur til fiskiskap. 

Nú fiskivinnuavtala er gjørd millum Føroyar og Norra, fara vit helst at síggja fleiri norskar makrellandingar í Føroyum.