Innanlands

Nýggj vísindagrein um aling á harðbalnum økjum

Alilaksur á harðbalnum økjum gevur nýggjar møguleikar fyri alivinnuna, men eisini fleiri avbjóðingar, sum verða lýstar í nýggju kanningarúrslitunum

Mynd: Fiskaaaling

Mynd: Fiskaaaling

2020-06-20 13:52 Author image
Tíðindaskriv
placeholder

Ása Johannesen, PhD og granskari á P/F Fiskaaling, er høvuðshøvundur á vísindaligari grein, sum PeerJ gevur út, um hvussu alilaksur trívist í aldum og streymviðurskiftum. Enska heitið er “How caged salmon respond to waves depends on time of day and currents.”

Í kanningini verður hugt eftir, hvussu alilaksur háttar sær, tá stórar aldur eru, ella tá streymurin er harður. Hetta eru viðurskifti, sum ávirka livikorini hjá laksinum, alt eftir hvussu nótin verður ávirkað av umstøðunum.

Úrslitini kunnu geva alarum ábendingar um hvussu alingin kann leggjast til rættis, soleiðis at fiskurin hevur so góðar liviumstøður sum til ber. Tað kann millum annað eisini hava týdning fyri søluvirðið á laksinum.

Viðhøvundar á greinini eru Øystein Patursson, Jóhannus Kristmundsson, Signar Pæturssonur Dam og Pascal Klebert.

Greinin kann lesast her.

placeholder
placeholder