Nýggja føroyska uppsjóvarskipið kemur í dag

Eftir ætlan verður nýggja uppsjóvarskipið í føroyska flotanum, Gitte Henning 1, á Gøtuvík um fýra tíðina seinnapartin. Har skal skipið, sum siður er, sigla tríggjar ferðir í ring.

Síðani liggur leiðin til Runavíkar, har høvi verður hjá almenninginum at koma umborð at síggja skipið frá klokkan 17 til 20 týskvøldið.

Tað er reiðaríið Varðin í Gøtu, sum hevur keypt eitt ára gamla skipið úr Danmark. Gitte Henning 1 skal fiska fyri Trónd í Gøtu, sum fer at liggja til í vár tí gearini skulu skiftast.

Savnsmynd