Partarnir sent boð eftir Semingsstovninum

Maskinmeistarafelagið, Skipara- og navigatørfelagið, Fiskimannafelagið á einu síðuni og Reiðarafelagið á hinari, hava sitið við samráðingarborðið síðstu tíðina, men í gjár varð avgjørt, at partarnir ikki finna semju. Tí eru boð nú send eftir Semingsstovninum.

Terje Sigurdsson, semingsmaður, váttar fyri Kringvarpinum, at Semingsstovnurin er boðsendur.

Fimm fundir hava verið í hesum samráðingunum. Sáttmálarnir hjá feløgunum fara úr gildi á midnátt sunnudagin.