Polar Princess skal landa 950 tons av makreli

Grønlendski trolarin Polar Princess kom í gjár á Kollafjørð, har teir skulu landa.

Polar Princess hevur, eins og hini grønlendsku skipini, fiskað makrel í altjóða sjógvi.

Teir hava 950 tons av frystum makreli, sum teir skulu landa í Kollafirði.

Polar Princess hevur landað nakrar lastin av makreli í Kollafirði higartil í ár, og farið verður aftur á makrel, tá ið liðugt er at landa.