Regina C skal landa í Kollafirði

Grønlendski rækjutrolarin Regina C kom í morgun á Kollafjørð, har teir skulu landa.

Teir hava 330 tons av rækjum, sum teir skulu landa til frystigoymsluna hjá Samskip í Kollafirði, áðrenn farið verður víðari til Fiskestrand í Norra á verft.

Eisini skulu teir leggja nakað av útgerð á land áðrenn farið verður víðari til Norra.

Áðrenn teir komu til Føroyar at landa, landaðu teir 85 tons av ídnaðurrækjum í Grønlandi.