Uttanlands

Russar keypt íslendskan verksmiðjutrolara

Samherji hevur selt verksmiðjutrolaran Vilhelm Thorsteinsson til Russlands

Vilhelm Thorsteinsson er eitt verksmiðjuskip, men verður avleyst av einum uppsjóvarskipið við kølitangum

Vilhelm Thorsteinsson er eitt verksmiðjuskip, men verður avleyst av einum uppsjóvarskipið við kølitangum

2018-11-21 15:52 Author image
Kiran Jóanesarson

Seinastu tíðina eru fleiri fiskiskip, sum hava frystilast, seld til Russlands.

Seinasta dømið er íslendski verksmiðjutrolarin Vilhelm Thorsteinsson, sum íslendska fyritøkan Samherji eigur.

Vilhelm Thorsteinsson  er bygdur í 2000, og kom sum nýbygningur til Íslands, har skipið hevur verið eitt av teimum bestu skipunum í flotanum.

Síðan skipið kom í íslendska fiskiflotan, hevur skipið fiskað 968.000 tons, og gjørt 820 landingar. Árliga hevur skipið landað umleið 53.000 tons.

Í síðstu viku landaði Vilhelm Thorsteinsson  sína síðstu last undir íslendskum flaggi, og skal nú riggast til at latast nýggju eigarunum í russlandi.

Samherji skrivaði fyrr í heyst undir sáttmála við Karstensens Skibsværft um nýbygging av einum nýggjum og framkomnum uppsjóvarskipið, sum hevur kølitangar, og ikki frystilast, eins og Vilhelm Thorsteinsson hevur.

Nýggi Vilhelm Thorsteinsson verður latin í 2020.

Seinastu tíðina hava russar keypt fleiri fyrstiskip, og hava eisini undirskrivað sáttmállar um at byggja nýggjar og stórar frystitrolarar. 

Sjúrðarberg, sum seinasti árini hevur verði annað skipið hjá JFK í Barentshavinum, varð seldur úr Klaksvík til Russlands í summar.

Les eisini: Íslendarar byggja tvey nýggj nótaskip í Danmark

placeholder
placeholder