Sandship keypt farmaskip

Felagið Sandship í Fuglafirði hevur keypt farmaskipið Hendrik S úr Hollandi.

Skipið skal nú umbyggjast til sjálvlossara, og síðani skrásetast í føroyska flotanum.

Hvat skipið er keypt fyri er ikki upplýst.

Skipið, sum er bygt í 2001, er knappar 83 metrar langt og 12,4 metrar breitt. 

Frammanundan eigur felagið Sandship skipini Sandfrakt, Vestborg, Vestland og Vitan.

Tað er Jørgin Jacobsen, sum er stjóri í Sandship.