Skipasøga

Skipasøga: Ásur var einans í vinnu í tvey ár

Ásur var nýbygningur nummar seks á Skála skipasmiðju. Skipið sakk á Sandoyarbanka í 1967

2020-01-19 18:10 Author image
Kiran Jóanesarson

Í greinarøð næstu vikurnar, hyggja vit nærri eftir skipunum, sum vóru bygd á Skála skipasmiðju í 60’unum. Fleiri greinar eru at finna her.

[object Object]

Stállínuskipið Ásur var heimahoyrandi í Tórshavn, og felagið P/f Hjallur við Tummas Ørv átti skipið, sum varð bygt á Skála skipasmiðju í 1965.

Ásur var líknandi skip sum Norðaldan, Hans Erik, sum seinni bleiv til Nim, og Borðoyanes í Klaksvík. Skipið kundi tó ikki frysta veiðuna umborð, men kundi eisini fiska við nót.

Hetta gjørdi eisini, at Ásur var størri í bruttotonsum enn systirskipini.

Ásur fekk tó ikki langa livitíð, tí 16. mars í 1967 sakk skipið á Sandoyarbanka eystanfyri Føroyar. Tann neyva staðsetingin var 61 42 n og 005 19 v, har skipið sakk. Øll manningin varð bjargað.