Smyril Line byggir nýtt høvuðssæti á Molanum

Smyril Line skal byggja nýtt høvuðssæti í høvuðsstaðnum. Tað sigur Jens Meinhard Rasmussen, stjóri, við danska miðilin Søfart.dk.

Nýggja stásiliga høvuðssætið verður bygt á Molanum, nú alt virksemið hjá bingjuskipunum verður flutt longur út.

- Plásstrot hevur verið í fleiri ár, og tað hevur við sær at okkara virksemið er spjatt út á tríggjar ymiskar bygningar í Havn. 

- Tað er serliga fraktvirksemið, sum hevur havt plásstrot, og hetta gera vit nakað við og miðsavna alt á einum stað, sigur Jens Meinhard Rasmussen við Sørfart.

Nýggi bygningurin er ein nýggjur ferðafólkaterminalur, pakkhús og skrivstovubygningur. Hann verður 8000 fermetrar stórur, sigur Jens Meinhard Rasmussen við útvarpið.

Miðað verður at flyta inn í nýggja bygningin í fyrru helvt av 2024.