Smyril Line yvirtikið Glyvursnes

Í dag yvirtók Smyril Line Glyvursnes á Fayard skipasmiðjuni í Munkebo.

Smyril Line hevur keypt farmaskipið "Seagaard" frá finska reiðarínum Bore Ltd. Glyvursnes er nú skrásett í FAS og verður liggjandi á skipasmiðjuni til 30. desembur, tá kósin verður sett móti Føroyum.

Skipið varð bygt í Týsklandi í 1999, og er 153,5 metrar langt og 20,6 metrar breitt.

Skiparar á Glyvurnesi eru Óli Hammer úr Havn og Eljón Poulsen ættaður úr Ljósáum, búsitandi í Kaldbak.

Glyvursnes skal røkja rutuna, sum "Mistral" hevur røkt millum Havnina, Þórlakshöfn og Hirtshals.

Við yvirtøkuni av Glyvursnesi, eigur Smyril Line øll skipini í felagnum.