Stelkur og Bakur farnir á upsaveiðu

Partrolararnir Stelkur og Bakur fóru aftur á upsaveiðu undir Føroyum í dag, eftir at hava ligið í nakrar dagar á Runavík.

- Vit fara suður á suðuroyarbanka at royna hendan túrin, sigur Eyðfinn Johansen, skipari á Stelki.

- Seinastu túrarnir hava verið góðir hjá okkum, har vit hava fingið fult skip, sigur Eyðfinn Johansen, víðari tá ið vit fáa orðið á hann áðrenn teir loysa av Runavík.

Partrolararnir Stelkur og Bakur eru minna parið, sum landar fast til Faroe Origin í Runavík.

Tað sigla 7 mans við hvørjum trolara, og manningin var væl hýrd nú hon slapp aftur til arbeiðis aftaná ólavsøkuna.