Stór vinnumessa byrjar í Klaksvík fyrrapartin

Stóra vinnumessan “Atlantic Fair“ er hesa vikuna í Klaksvík, og verður sett fyrrapartin klokkan 10:30.

Dyrnar lata upp klokkan 10, og klokkan 10:30 verða røður og sjálv setanin á skránni. Borgarstjórin í Klaksvíkar kommunu, Jógvan Skorheim fer at bjóða vælkomin, og løgmaður, Aksel V. Johannesen, fer at seta stevnuna.

192 fyritøkur sýna fram úr 20 ymiskum londum. Stevnan, sum er í báðum ítróttarhallunum í Klaksvík, heldur fram til hósdagin.