Tíðindaskriv
Á aðalfundinum hjá Pf. Firum varð Sunnvør Klettskarð í Kongsstovu vald í nevndina fyri Kristoffur Laksá, sum ikki tók við afturvali.
Beint eftir aðalfundin skipaði nevndin seg við Sunnvør sum forkvinnu. Hini í nevndini eru Turið Mørkøre, Niels Winther, Heidi S. Mortensen og Unn V. Johannesen.
Landsstýrismaðurin við vinnumálum varar av Pf. Firum. Umframt val av nevndarlimum og góðkenning av ársroknskapi 2023 var framløga um virksemið hjá felagnum á skránni fyri aðalfundin.
Viðtøkurnar vórðu eisini broyttar soleiðis at felagið nú eitur Pf. Firum við hjánavninum Fiskaaling.
-
Frá vinstru: Heidi S. Mortensen, Høgni Hoydal, landsstýrismaður, Sunnvør Klettskarð í Kongsstovu, forkvinna, Jóhanna Lava Køtlum, stjóri, Kristoffur Laksá, fráfarandi formaður, Niels Winther og Unn V. Johannesen (Mynd: Firum)
Vinarliga broyt tínar kennifíla - og privatlívsstillingar fyri at síggja hetta innihald