Svartkjaftaskipini góðan fiskiskap í føroyskum sjógvi

Føroysku uppsjóvarskipini eru farin á svartkjaftaveiðu sunnanfyri Føroyar, og fiskiskapurin er góður.

Fagraberg byrjaði at landa 2.300 tons av svartkjafti klokkan seks í morgun, og tað tekur umleið eitt døgn at landa, og so fer Fagraberg aftur til fiskiskap eftir svartkjafti.

Norðingur eigur aftaná, og hevur Norðingur 1.900 tons av svartkjafti, sum skal landast til Havsbrún.

(Norðingur - Savnsmynd: Kiran Jóanesarson)

Høgaberg fór til fiskiskap hósdagin, og hevur longu boðað frá at teir skulu landa 1.500 tons til Havsbrún, sum helst verður seint sunnudagin ella tíðliga mánadagin.

(Høgaberg - Savnsmynd: Kiran Jóanesarson)

Hjá Havsbrún verður svartkjafturin framleiddur til mjøl og lýsi og síðani til fóður.