Thor hevur keypt fyrrverandi Hvítanes

Reiðaríið Thor í Hósvík hevur keypt Inuksuk l úr Kanada.

Thor hevur keypt Inuksuk l, sum er fyrrverandi Hvítanes, sum aftur fær heimstað í Føroyum.

- Vit hava keypt trolaran, sum skal fiska rækjur í Barentshavinum, sigur Hans Andrias Kelduberg, reiðari.

Reiðarin leggur aftrat, at skipið fer eftir ætlan úr Kanada seint í komandi viku og skipið kemur til Føroya, har tað skal yvirtakast og undir føroyskt flagg.

Inuksuk l skal fiska rækjukvotuna, sum Thor eigur frá Kappanum.

Inuksuk l er bygdur á Skála Skipasmiðju í 1987, og fekk tá navnið Hvítanes. Skipið bleiv selt av landinum í 1993.

Hans Andrias Kelduberg, reiðari, ynskir ikki at upplýsa keypsprísin, og heldur ikki hvat navnið verður á skipinum.