Trolarin hjá Thor verður á Havnini í morgin

Tað var í síðstu viku at Inuksuk l setti kós móti Føroyum, og tíðliga í morgin verður skipið á Havnini.

Inuksuk l skal fiska rækjukvotuna, sum Thor eigur frá Kappanum.

Inuksuk l er bygdur á Skála Skipasmiðju í 1987, og fekk tá navnið Hvítanes. Skipið bleiv selt av landinum í 1993.

Reiðaríið ynskir ikki at upplýsa hvat skipið er keypt fyri ella hvat nýggja navnið verður á skipinum, sum nú aftur fær heimstað í Føroyum.

Nýggja navnið á skipinum verður kunngjørt mánadagin næstu viku, sigur Hans Andrias Kelduberg, reiðari.