Tróndur í Gøtu hevur landað svartkjaft í Fuglafirði

Uppsjóvarskipið Tróndur í Gøtu kom beint áðrenn vikuskiftið inn við 2.350 tonsum av svartkjafti, sum skuldi landast til Havsbrún.

Teir hava fiskað svartkjaft í altjóða sjógvi, og fiskiskapurin hevur verið hampiligur.

Hjá Havsbrún verður svartkjafturin framleiddur til mjøl og lýsi, og síðani til fóður.

Tróndur í Gøtu fór aftur til fiskiskap eftir svartkjafti í altjóða sjógvi, tá ið liðugt var at landa.