Tróndur í Gøtu landar 800 tons í Fuglafirði

Uppsjóvarskipið Tróndur í Gøtu kom á Fuglafjørð í nátt, har teir skulu landa.

Tróndur í Gøtu hevur verið á makrelveiðu í ES sjógvi, og fiskiskapurin hevur verið góður.

Teir hava 800 tons av makreli við til lands, og upplýst verður at talan er um góða stødd- umleið 400 gramm í miðal.

Tá ið Tróndur í Gøtu hevur landað, fara teir aftur á makrelveiðu.