Tvær ymsar landingar í Kollafirði

Í gjár kom línuskipið Eivind á Kollafjørð, har teir skulu landa.

Eivind byrjaði túrin undir Íslandi, og kom síðan í føroyskan sjógv at fiska, og hava teir umleið 190 tons av toski, sum teir landa í Kollafirði. 

Litavska skipið Nida kom eisini á Kollafjørð fyrrapartin í gjár, har teir skulu landa umleið 300 tons av kongafiski, sum teir hava fiskað í altjóða sjógvi.

Hetta er eitt skip, sum landar nakrar fáar lastir í Kollafirði um árið.

Annars verður sagt, at nøkur frystilínuskip hava boðað frá landing í komandi viku.

Fiskiskapurin undir Føroyum er smáligur í løtuni, og hetta er eisini galdandi hjá uppsjóvarskipunum, sum fiska svartkjaft í løtuni.

Nida - Savnsmynd (Kiran Jóanesarson)