Tvey skip á svartkjaftaveiðu

Tað eru einans tvey uppsjóvarskip til fiskiskap í løtuni, hini liggja øll við bryggju kring landið.

Uppsjóvarskipini Birita og Tróndur í Gøtu eru á svartkjaftaveiðu sunnanfyri í føroyskum sjógvi.

Tróndur í Gøtu hevur júst landað sild á Tvøroyri, og fór síðani beint á svartkjaftaveiðu.

Birita hevur seinastu dagarnar ligið við bryggju í Havn, men fór á svartkjaftaveiðu eftir jól.

Sum skilst, so er fiskiskapurin heldur smáligur eftir svartkjafti í føroyskum sjógvi.