Vesturhavið fiskað kvotuna

Línuskipið Vesturhavið kom aftur til Føroyar mánakvøldið, og veiðan varð landað á Toftum.

Vesutrhavið hevur roynt í Eysturgrønlandi, og fiskiskapurin hevur verið hampiligur.

- Teir hava fiskað í 10 dagar, og fingu 150.000 pund, harav meginparturin av veiðuni var toskur, upplýsir Háldan Haldansen, reiðari.

Reiðarin leggur at aftrat, at summir dagar vóru betri enn aðrir, men samanumtikið var talan um hampuligan fiskiskap.

Vesturhavið fer væntandi aftur til fiskiskap seinni í vikuni, og tá verður fiskað undir Føroyum.