Innanlands

Video: Høgni Hoydal kennir einki til samgongufund um menningarkvotur

- Eg havi ikki verið við, og eg kenni heldur ongan í samgonguni, sum hevur verið við

2018-08-02 12:04 Author image
Sverri Egholm

Jacob Vestergaard spurdi undir viðgerðini av ólavsøkurøðu løgmans um hendan samgongufundin, sum VP umrøddi í gjár, og sum skuldi hava verið um menningarkvoturnar.

- Hvør politisk viðgerð hevur verið av tilmælinum (frá metingarnevndini, red.), síðani tað fyrilág, tá man nú ásannar at vit eru komin út í august mánað, og hesar vinar og kenningarkvoturnar til tey ávísu útvaldu ikki eru avgreiddar enn, spurdi Jacob Vestergaard, tingmaður fyri Fólkaflokkin.

- Tað hevur eingin politisk viðgerð verið av tilmælinum um menningarkvotur. Um tað hevur verið ein samgongufundur um tað, so havi eg so ikki verið við, og eg kenni heldur ongan í samgonguni, sum hevur verið við, svaraði Høgni Hoydal, landsstýrismaður.

Les eisini: Menningarkvotur so skjótt sum viðgerðin er liðug