Video: Tók fleiri dagar at sjóseta Høgaberg

Høgaberg, sum er nýggja uppsjóvarskipið hjá reiðarínum Framherja í Fuglafirði, var fyri nøkrum døgum síðan sjósett á Karstensens skipasmiðjuni í Gdansk.

Tað skuldi vera 8. mars, men tað gekk ikki sum ætlað. Av onkrari orsøk fekk skrokkurin ikki nóg nógva ferð av bakkastokkinum, og steðgaði áðrenn skrokkurin kom á sjógv. Nakrar dagar seinni, 19. mars, var skipið sleipað av bedingini, og 22. mars lá skipið loksins við bryggju.

Hetta skrivar pólski miðilin gospodarkamorska.pl.

Vit frætta frá Framherja, at skrokkurin verður nú sleipaður til Skagen. Væntandi verður hann har leygamorgunin, og har skal restina av arbeiðinum gerast.

Høgaberg verður væntandi latin reiðarínum í oktober-november.

Nýggi Høgaberg er 88 metrar langur og 17,5 metrar breiður. Hann fer at lasta 3400 tons. Høgaberg er systurskip Finnur Fríða.