Áhugi í Føroyum og uttanlands

Gamla havrannsóknarskipið Magnus Heinason varð lagt í mars, og síðani í mai hevur skipið verið á sølulista.

Og áhugi er fyri skipinum, sum er bygt í Noreg í 1978. Tað upplýsir meklarin Álvur Mortensen, stjóri á Maretec.

Hann fær ikki sagt nakað ítøkiligt, men sigur, at áhugi er bæði í Føroyum, men eisini aðrastaðni í Evropa og í Afrika. Fólk í Føroyum og fólk aðrastaðni frá hava verið og hugt eftir havrannsóknarskipinum, sum liggur í Vestmanna.

(Mynd: Birgir Waag Høgnesen)

Magnus Heinason er bygdur í 1978, 44,5 metrar til longdar og 9,52 metrar breiður.