Beinur landað nebbasild í Hanstolm

Danska uppsjóvarskipið Beinur, sum familjan Tindskarð og Gunnar Nolsøe eiga, hevur landað í Hanstolm.

Gunnar Nolsøe, skipari, upplýsir, at teir landaðu í Hanstolm í gjár, og teir høvdu 860 tons av nebbasild, sum teir hava fiskað á Dogger bankanum.

- Fiskiskapurin er ikki líka góður sum í síðsta ár. Hendan lastin er ikki nakað serligt, men prísurin er góður, og tað er betri enn at liggja svínabundin við bryggju, sigur skipari við Portalin.

Beinur er nú farin nýggjan túr eftir nebbasild á Dogger bankanum, og við eru 8 mans, sum bæði er føroyingar og danskarar.