Innanlands

Finnur Fríði landar 2500 tons í Fugafirði

Uppsjóvarskipið byrjaði at landa í morgun

Savnsmynd (Mynd: Kiran Jóanesarson)

Savnsmynd (Mynd: Kiran Jóanesarson)

2019-02-21 10:02 Author image
Kiran Jóanesarson

Finnur Fríði, sum hevur verið á svartkjaftaveiðu, byrjaði at landa til Havsbrún klokkan seks í morgun.

Upplýst verður, at teir hava umleið 2500 tons av svartkjafti, sum teir hava fiskað í altjóða sjógvi.

Veiðan verður landað til Havsbrún, har svartkjafturin verður framleiddur til fiskaolju, og lýsi, og síðan víðari virkaður til fóður.

Føroysku svartkjaftaskipini royna bæði í altjóða sjógvi, og í ES sjógvi í løtuni, og hava tey hampiligan fiskiskap.