Finnur Fríði landar 800 tons á Tvøroyri

Uppsjóvarskipið Finnur Fríði landar í løtuni 800 tons, har størsti parturin av veiðuni er makrelur, til Varðan Pelagic.

Finnur Fríði hevur verið á makrelveiðu eystanfyri í føroyskum sjógvi og fiskiskapurin hevur verið góður.

Makrelfiskiskapurin hevur nú av álavara tikið seg upp í føroyskum sjógvi, og nakrar makrellandingar hava eisini longu verið.

Jupiter landaði í gjár yvir 1.000 tons, og Arctic Voyager er eisini komin inn við eini makrellast.

Makrelskipini fiska í løtuni eystanfyri í føroyskum sjógvi, og sum skilst, er talan um góðan fiskiskap í løtuni.