Innanlands

Yvirlit: Flotin yngist ikki stórvegis

Nú tveir nýggir línubátar verða skrásettir í føroyska línuflotanum er miðalaldurin 41 ár

Jógvan I kom á Toftir mánadagin (Mynd: Sverri Egholm)

2019-12-04 20:32

Kiran Jóanesarson

Tað er ikki nógv, at føroyski línuflotin yngist við teimum báðum nýggju skipunum í flotanum, Jógvan I, og nýggja Klakki.

Um vit ikki rokna hesi nýggjaru línuskipini við, so hava vit ein miðalaldur upp á 44,3 ár. Fleiri av línuskipunum eru eldri enn 50 ár, og tað trekkir miðaltalið langt upp. Havbúgvin er elst við sínum 60 árum.

Nú tvey nýggjari skip koma í flotan, Jógvan I, sum er bygdur í 1998 og nýggi Klakkur, sum er bygdur í 2009, minkar miðaltalið eitt vet. Jógvan I kemur í føroyska flotan fyri Sigmund og Borðoyanes, sum báðir eru 43 ára gamlir, og harvið rúka av listanum.

Hetta broytir tó ikki so øgiliga nógv. Tá nýggi Klakkur verður skrásettur í flotanum fyrst í januar hava vit eitt miðaltal sum eitur 41 ár.

Tað skal havast í huga, at gamli Klakkur helst verður verandi í flotanum, og at okkurt av eldru línuskipum rýkur út. Hetta kann fáa miðalaldurin eitt sindur niður.

Miðalaldurin á skipunum niðanfyri er 41 ár.