Christian í Grótinum skal landa í Fuglafirði

Christian í Grótinum er ávegis til Føroya, har skipið skal landa 700 tons av makreli til Pelagos.

Christian í Grótinum verður í Føroyum í morgin, og byrjar at landa klokkan átta.

Uppsjóvarskipið hevur verið á makrelveiðu í bretskum sjógvi, og tá ið liðugt er at landa, verður farið aftur á makrelveiðu.

Talan er um góðan makrel, sum skipini fáa í bretskum sjógvi.