Gøtunes skal landa makrel í Fuglafirði

Uppsjóvarskipið Gøtunes skal landa umleið 2900 tons av makreli til Havsbrún í Fuglafirði.

Gøtunes hevur eins og hini skipini verið á makrelveiðu norðanfyri í altjóð sjógvi, og fiskiskapurin hevur verið góður.

Hjá Havsbrún fer makrelurin til ídnað.

Gøtunes sleppur framat í morgin, og tá ið liðugt er at landa, fer Gøtunes aftur á makrelveiðu.