Hagstovan: Útflutningurin av fiskavørum minkaður 159 milliónir krónur

Fyrra hálvár í 2024 hava føroyingar útflutt fiskavørur fyri 5,5 milliardir krónur, og tað eru 158,7 milliónir krónur ella 2,8 prosent minni enn fyrra hálvár í 2023, skrivar Hagstovan.

Samlaði útflutningurin var 5,9 milliardir krónur - 287,9 milliónir ella 4,6 prosent minni enn fyrra hálvár í 2023. Minkingin stavar m.a. frá minni útflutningi av brennievni og skipum.

Útflutningurin av laksi er vaksin 405 milliónir krónur. Virðið er vaksið við 16,5 prosentum og nøgdin er vaksin við 21,1 prosenti.

Aðrar vørur, sum toga útflutningin uppeftir, eru toskur, makrelur og fóður. Toskaútflutningurin er vaksin 54 milliónir krónur - ella 10,5 prosent.

Seinastu tíðina hevur vøkstur verið í útflutninginum av fóðuri, lýsi og fiskamjøli, men fyrra hálvárið í 2024 er fiskamjølið minkað við 111,6 milliónum krónum, og lýsið við 68,4 milliónum krónumí mun til sama tíðarskeið í fjør.