Hava keypt nýtt skip fyri Kamb

Partafelagið M&S Strendur hevur keypt norska frystilínuskipið Veststeinen, sum skal avloysa Kamb.

Talan er um eitt frystilínuskip, sum er bygt í Noregi í 1998, siga keldur, sum Portalurin hevur tosað við.

Veststeinen er knappar 47 metrar langt og 10 metrar breitt í mun til Kamb, sum var 45 metrar langt og 10,9 metrar breitt. Kambur varð eisini bygt í 1998.

Hvat skipið er keypt fyri vita vit ikki, og heldur ikki nær skipið kemur til Føroyar.