Høgaberg og Katrin Jóhanna landa svartkjaft í Fuglafirði

Uppsjóvarskipini, sum bæði hava fiskað svartkjaft, hava landað veiðuna til Havsbrún í Fuglafirði.

Fyrstur at landa var Høgaberg, sum hevði umleið 200 tons av svartkjafti, sum teir hava fiskað í føroyskum sjógvi, og um middasleiti í dag byrjaðu teir at landa Katrin Jóhonnu.

Katrin Jóhanna hevði 1700 tons av svartkjafti við til lands, sum er fiskaður í føroyskum sjógvi.

Hjá Havsbrún verður svartkjafturin framleiddur til mjøl og lýsi, og síðan til fóður. 

 Katrin Jóhanna - Savnsmynd: Kiran Jóanesarson