Innanlands

Jákup Sverri farin fyrsta rannsóknartúrin

Fyrsti veruligi túrurin hjá nýggja havrannsóknarskipinum er ikki langur. Jákup Sverri skal kanna brisling í Tangafirði og á Skálafjørðinum

Jákup Sverri (Savnsmynd: Jens Kr. Vang)

Jákup Sverri (Savnsmynd: Jens Kr. Vang)

2020-12-09 15:14 Author image
Sverri Egholm
placeholder

Fyrst í hesum mánaðinum varð nýggja rannsóknarskipið Jákup Sverri latið Havstovuni, og í morgun fór skipið sín fyrsta túr.

Jákup Sverri er 54 metrar langur og smáar 14 metrar breiður.

Á hesum fyrsta túrinum er endamálið at kanna brisling í Tangafirði og á Skálafjørðinum. Hetta er triðja árið, at Havstovan ger brislingakanningar á føroysku firðunum.

Kjølurin varð strektur í Litava í september 2018, og skrokkurin kom á Skála í september í fjør. Jákup Sverri hevur kostað góðar 280 milliónir krónur, og nýggja havrannnsóknarskipið avloysir Magnus Heinason, sum hevur verið havrannsóknarskip síðani 1982.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder