Nú skal útgerðin umborð

Í gjár varð avhendingarskjalið, umframt onnur viðkomandi skjøl, í sambandi við yvirtøku av nýggja rannsóknarskipinum Jákup Sverra undirskrivað. Harvið er skipið er nú formliga handað eigaranum.

Jacob Vestergaard, landsstýrismaður í fiskivinnumálum, skrivaði undir vegna byggiharran, meðan Mouritz Mohr, stjóri og Petur Háberg Jacobsen, nevndarformaður skrivaðu undir vegna MEST.

Mynd: hav.fo

Í dag er manningin farin umborð og siglir skipið til Havnar at taka útgerð. Arbeiðið fer at taka nakrar dagar, og síðan verður farið undir at gera tær fyrstu kanningarnar fyri Havstovuna.

Havstovan boðar frá, at so skjótt høvi verður, er ætlanin at vísa almenninginum kring landið skipið. Føroya Landsstýri yvirtekur Jákup Sverra fyri avtalaðan prís.

Sí myndir: Jákup Sverri doyptur